تاريخ مٽياري

تاريخ مٽياري (ڪتاب ):هن ڪتاب جو ليکڪ مقصود احمد قاضي آهي، ڪتاب جو انتساب ليکڪ پنهنجي والد سيف الدين قاضيءَ ۽ پنهنجي والده زيب النساءِ جي نالي ڪيو آهي. ڪتاب ۾ مختلف موضوع آهن، جن ۾ مٽياريءَ جي اجمالي تاريخ، متعلوي ساداتن جا مشهور پاڙا، مٽياريءَ جا سادات، مشاهير، قاضي گهراڻا، شيخ نور محمد جو خاندان، ميمڻن ۽ شيخن جا شجرا ڊاسوڙي ميمڻن جو گهراڻو، متفرقه شخصيتن جو بيان، موجوده دور جون متفرقه ادبي، صحافتي ۽ سماجي شخصيتون، متفرقه شجرا، خلافت تحريڪ ۾ مٽياريءَ جو حصو، ڪجهه مشهور مسجدون، انگريزن جي تعليمي نظام جا ڪجهه مشهور استاد، ڪجهه معروف ڊاڪٽر، لائبريريون، فن ۽ فنڪار، ثقافتي اهڃاڻ، مسجدن، درگاهن ۽ شخصيتن جا فوٽو ۽ نقشا ڏنل آهن. هي ڪتاب علمي ادبي اشاعت گهر مٽياريءَ پاران 2006ع ۾ ڇپرايو ويو. ڊيمي سائيز ۾ 416 صفحن تي مشتمل پڪي جلد واري هن ڪتاب جي قيمت 350 رپيا آهي.

ڪتاب - ڀاڱي جون ٻِيون داخلائون